دعوت الله ثم دعوت وانظروا ماحصل!!!!

اولاً هذه قصـة نقلتهـا بعـد أذن صاحبتهـا الطيبـة ، وضعتها هنا للفائدة ..

==========================================

بسم الله الرحمن الرحيم
اخواتي قصتي للعبره والعظه

ومنها ابي اشوف حل لتأنيب الضمير اللي عايشه فيه[ندعوك للتسجيل في المنتدى أو التعريف بنفسك لمعاينة هذه الصورة]

انا اكتشفت في رمضان الماضي ان وحده على علاقة بزوجي ع الجوال
وكان هالشي برمضان طبعآ صارت مشكله كبيره بيني وبينه
وهو ندم وكسر جواله
المهم
جلست اتحرى كل اوقات الاجابه في الشهر الفضيل شهر رمضان اللي صارت فيه المشكله
طول وقتي وانا ادعي عليها وارسلت لها رساله اني بس بسوي شي واحد هذا نص الرساله::

(اعلمي أني ماراح اسوي الا شي واحد...
بفرش سجادتي وادعي عليك في هذا الشهر المبارك والليالي المباركه
أن الله ينتقم لي منك اشد انتقام ويصيبك بمرض يشغلك بنفسك ويشغلك عني وعن
كل انثى جُرحت بسببك ..لا انتظر رد منك بل انتظر رد رب السموات والأرض)

والله اني اصحى من النوم مفزووعه مو مصدقه اللي صار وان زوجي حبيبي يسوي
كذا زوجي اللي اعتبره مثالي الاعلى في هالحياة يجلس بالساعات يقول كلام غزل
لسافله منحطه وفي اخر النهار يكرره على مسامعي!! [ندعوك للتسجيل في المنتدى أو التعريف بنفسك لمعاينة هذه الصورة]

اذا صحيت مفزوعه افرش سجادتي وابكي
من قلب وادعي ربي انه ياخذ حقي منها ومن زوجي اللي صار
ماله وجه يقابلني فيه هذيك الفترة وترجاني ان الموضوع مايطلع لأي احد حفاظآ على سمعته ومكانته
وان هالشي نزوه شيطان
المهم على شان صغاري بس جلست بشرط مايكون بينا اي علاقه او حتى مجرد كلام
ووافق
جلست على هالحال الى العييد
والله ياخوات ان [ندعوك للتسجيل في المنتدى أو التعريف بنفسك لمعاينة هذه الصورة] ربي [ندعوك للتسجيل في المنتدى أو التعريف بنفسك لمعاينة هذه الصورة]ماضيع لي تعب ولاخلاني معلقه مهمومه
والله ماتصدقون نهاية قصتي وكيف كانت ليلة العيد

لي عودة[ندعوك للتسجيل في المنتدى أو التعريف بنفسك لمعاينة هذه الصورة]
ببقية القصه اذا وجدت تفاعل منكم
ودعوه من قلوبكم الطآهره لي بأن يحفظني واسرتي من كل شر
ولكم المثل أن شاء الله[ندعوك للتسجيل في المنتدى أو التعريف بنفسك لمعاينة هذه الصورة]

ووالله ان صادقه في كلامي
وفي قصتي
ولم اكتبها الا لشي واحد لكي تقراءه كل امراءه
جُرحت من خيانة زوجها
وتقراءه كل من تتكلم بالهاتف مع رجل لاتعرف ان خلفه اطفال وزوجه
وان فوقها رب لايرد دعوة مظلوم

كما قلت لي عودة
بعد ان اجد ترحيب منكم
[ندعوك للتسجيل في المنتدى أو التعريف بنفسك لمعاينة هذه الصورة]والقصه اول مره اكتبها هي حصرية لمنتدى سيدتي
ولاأمانع بنقلها ونشرها[ندعوك للتسجيل في المنتدى أو التعريف بنفسك لمعاينة هذه الصورة]

==========================================

تابـع في الرد التانـي ..
Evil or Very Mad

تابـع القصـة

==========================================

بسم الله الرحمن الرحيم والصلاة والسلام على خير البشر
سيدنا محمد وعلى اله وصحبه اجمعين::
موضوعي السابق [ندعوك للتسجيل في المنتدى أو التعريف بنفسك لمعاينة هذا الرابط]

ملاحظه قبل البدء:: القصه طويلة لاتصلح لمن لديها مشاغل
الآن تعود اليها لآحقآ اريد أن تقرؤها وتعيشو
احداثها وكأنني انتم
لكي اصل لشي واحد هل فعلآ اخطأت هل يجيب ان اعيش في دائرة تأنيب الضمير؟؟؟؟؟

مدخل::[ندعوك للتسجيل في المنتدى أو التعريف بنفسك لمعاينة هذه الصورة]
(اذكرو الله كثيرآ يذكركم..اذكروه في الرخاء يذكركم في الشده)
لوكل منا فعل ذلك لما وجدنا التعاسه والعنا والحمد لله اللي جعل لساني رطب بحمده وشكره
وصلو على محمد عليه الصلاة والسلام

/

آسفه لتأخري بَ آكمال القصه:

قبل آأن ابداء احب اوضح بعض النقاط في مداخلات الأخوات اللي اعترضوا على تصرفي بالدعاء عليها:
رُغم أنه لايوجد نص في الكتاب والسنه يمنع او يحرم(الدعاء على المعتدي والظالم والفاسق)
الا انه فعلاً معكم حق ان تصرفي جداً قاسي لكن لو لم يكن هناك
عدل رباني لما اصابها دعائي!!
فهو وحده العالم من المخطيء من المصيب من الظالم من المظلوم
يعني لا أنا ولا انتم من يقرر هل دعائي عليها ظلم او حق!

من الآخوات من قالت (لو دعيتي على زوجك فأنتي لاتعلمين من الباديء)
رغم اني اعلم انها هي المبادره الا انك ياعزيزتي لو اعدتي قرأت ماكتبته في موضوعي الأول
لوجدتي اني قلت كي لاكون قد ظلمتها ::
((اذا صحيت مفزوعه افرش سجادتي وابكي
من قلب وادعي ربي انه ياخذ حقي منها ومن زوجي)))

من تقول ان هذه القصه تأليف

:: اقول الله يسامحك الحياة كبيره ويصير فيها اشياء فوق
الخيال أن كانت حياتك مستقره احمدي
الله عليها ولاتستهيني بما يمر به غيرك
ف يبتليك الله بما اصابهم وستجدين
من لايصدقك حينها تعرفين مدى قسوة حكمك علي ::

::سبب تأخري في اكمال القصه نوع
من جس النبض والتشويق ولي الحريه في ذلك
كما انكم لكم الحريه في القرأه أو
اغلاق الصفحه وليس التهجم علي
لاأحد يقيد حرية أحد كلنا احرار:

عموماً لا اريد الاآن ان اكمل لكم ماحدث ولله الحمد من قبل ومن بعد

/
في ظهر يوم من ايام شهر الرحمه لا اعلم ماجعلني اذهب لغرفة النوم التي هجرتها!
وتركتها لزوج غارق في ندمه .وجدته نائم وقد تغير شكله واهمل حلاقة لحيته
ووجهه نما الشعر فيه بشكل يجعلك تظن انك امام شخص مدمن او خريج سجون !!لم
يكن زوجي المتأنق على الدوام
لم أتالم لحاله ولمنظره بل زادني اصرارً أن ابتعد عنه روحياً وجسدياً
امسكت بهاتفه (قبل ان يكسره في احدى محاولاته لاسترجاعي ولعودتي كما كنت )

خرجت بخفه بحثت عن رسائلها عن آخر صورة
(كانت صورة جنسية لفتاة عاريه) [ندعوك للتسجيل في المنتدى أو التعريف بنفسك لمعاينة هذه الصورة]
تألمت اكثر واكثر من تلك المسجات تمنيت اني لم ابحث اكثر

لم يكن هدفي ان افتش عما كان بينهم بل كان هدفي ان اتصل بها
لكن الشيطان عدو بنو آدم وخطوات الشيطان التي نهينا عن اتباعها اتبعتها وفتشت عما كان بينهم فزادني حسره آه .. مااعظمك يالله
لم اتمعن في هذه الآيه الا بعد فوات الآوان

[ندعوك للتسجيل في المنتدى أو التعريف بنفسك لمعاينة هذه الصورة]{يَا
أَيُّهَا النَّاسُ كُلُواْ مِمَّا فِي الأَرْضِ حَلاَلاً طَيِّباً وَلاَ
تَتَّبِعُواْ خُطُوَاتِ الشَّيْطَانِ إِنَّهُ لَكُمْ عَدُوٌّ مُّبِينٌ }

تماكلت نفسي ضغطت زر الأتصال...لم ترد:
الثانية ردت بصوت ناعم يقتل مسامعي (يجعلني اتخيلها انها ملكة متوجه وهي
ليست مجردوحده فاسقه فاسدة لاتعلم ماخلفته من الم بفعلتها تلك الا بعد فوات
الآوان)

سمعت هي صوتي وصعقت!
انا..
الو..
الو..
ليش ماتردين؟
تغير صوتها اصبحت كـ مسترجله (وكأني ارها ممسكه بخصرها وقطعة لبان في فمها مثل ماكنت اشاهده في بعض الأفلام المصريه)

قلت ليش تغير صوتك؟ وين النعومه والدلع ؟
ابي اسولف معك بس
قالت وبوقاحه ادري ليش متصله !!!! << يالله شفتوا الوقاحه [ندعوك للتسجيل في المنتدى أو التعريف بنفسك لمعاينة هذه الصورة]
وقفلت ولم اسمع صوتها ابدآ حتى مع محاولاتي بارقام اخرى (رقمي)

.
موقفها زادني اصرار أن اكلمها مرة اخرى:
لكن فجأه تغير اصراري لتطنيش
ولكني مازلت ادعي عليها
وكانت هي الآخرى تستفزني باتصالها على زوجي حتى من ارقام اخرى
وهو مايرد
اتى لي وقال شوفي هذا الجوال وهذي الشريحه سووي اللي تبين
بس اقسم لك بالله اني كنت (استهبل)<-- شفتو هو يستهبل وهي تضيع وقت او بس رزه قدام خوياتها ان عندها صديق أو حبيب او خروف!
طيب وأنا وش موقعي من الإعراب!!! [ندعوك للتسجيل في المنتدى أو التعريف بنفسك لمعاينة هذه الصورة]

قلت ماتهمني وبعدين يكون بمعلومك خلاص بعد العيد بروح لاهلي
اعيش مطلقه اخير لي اني اعيش مع واحد يستهبل واحد عمره 33 ويستهبل! ليش
ماستهبلت انا وانا اللي اصغر منك بـ8 ماستهبلت ولاقلت العب من وراك رغم ان
كل شي متوفر لي واقدر اسوي بلاوي
وانت ماتدري بس شي واحد يمنعي خوفي من الله ثم خوفي على اطفالي
استمر النقاش وهو ماقدر يقول عني شي سلبي[ندعوك للتسجيل في المنتدى أو التعريف بنفسك لمعاينة هذه الصورة]
تدرون ليش وياليت ياليت ي [ندعوك للتسجيل في المنتدى أو التعريف بنفسك لمعاينة هذه الصورة]آخواتي [ندعوك للتسجيل في المنتدى أو التعريف بنفسك لمعاينة هذه الصورة]الغاليات تسوين هـ الشي

لان مهما كان يبقى لك رصيد عند زوجك ومستحيل يجحده
(كنت ومازلت ولله الحمد اتبع السنه اقلها على السفره اذكره وصغاري يقولون
بسم الله وبعد الاكل الحمد لله احرص عليها حرص شديد وعند خوفهم من شي بسم
الله واداب دخول الحمام وانتم بكرامه حتى لزوجي
اذكره فيها كل شوي الكلام الوسخ واللعن مستحييل اقوله وماطفالي هم بعد
مستحيل وزوجي كان لو يقولها لاي احد حتى لو عامل بالشارع ازعل واتنرفز منه
واذكره بالله ..والبقيه كثير بس قلت لكم شي يمكن نستهين فيه بس والله انه
شي كبير ان تكوني مربيه قبل تكوني ام وزوجه..والزوج على ماتعوديه..اعوده
ينام بحضني مستحييل ينام وماكون جنبه اسولف له بهمس الين ينام.. وهالشي
فقده في فترة خلافنا وصابه جنون لانه فقد شي تعود عليه خلآص..اشياء كثيرر
يمكن تحسبونها بسيطه بس[ندعوك للتسجيل في المنتدى أو التعريف بنفسك لمعاينة هذه الصورة] ورب الكــــــون [ندعوك للتسجيل في المنتدى أو التعريف بنفسك لمعاينة هذه الصورة]لها تأثير كبـــيرعلى زوجك لأنه لو فقد شي من هالإيجابيات اللي تسويها في حياتكم يصير يحس بنقص كبير وهو ماعترف فيه زوجي فيما بعد)

نعود للقصه [ندعوك للتسجيل في المنتدى أو التعريف بنفسك لمعاينة هذه الصورة]
كسر جواله وشريحته انذهلت في داخلي كيف يكسر شريحته ام رقم (مميز ) اللي
تعب ودفع مبلغ وقدره علشان هالرقم اللي بدون اسم يعني اكيد راح عليه الرقم[ندعوك للتسجيل في المنتدى أو التعريف بنفسك لمعاينة هذه الصورة]
جاب المصحف وحلف وطلق وكل شي سواه حتى يقنعني انه مايعرفها الا بالهاتف وانه بس يطقطق عليها وبس
ماتكلمت جلس يبوس رجولي ويصيح زي المجنون كسر ماكان حولنا من تحف بصراحه هنا خفت كثير وخفت اكثر لما بكى قدامي!
هنا عرفت ان السالفه بتكبر وانه زي مافيه شد للحبل فيه رخي![ندعوك للتسجيل في المنتدى أو التعريف بنفسك لمعاينة هذه الصورة]
قلت طيب خلاص اطلع برى هاللحين انا خلاص تعببببببت احس بدوخه تكفى اطلع قال ماطلع الا بشرط بيتك ماتطلعين منه واهلك لايدرون
قلت طيب وهذا اللي ابيه اصلآ (ابي بيتي ولابي اهلي يطيح من عينهم زوجي)[ندعوك للتسجيل في المنتدى أو التعريف بنفسك لمعاينة هذه الصورة]

استمر حالنا غرباء من بعد ماكنا عشاق !
مدري شلون هالجرثومه (الفتاة)تدخل في حياة اثنين اصبحا جسد واحد
وتألموا بدخولها عليهم وأن كان احدهم مرحب بها من قبل الا انه ندم
لكن لاينفع الندم بعد ان شوهت مابينهم من محبه .

تمضي الأيام والليالي المباركة وان لم اعد اشعر لها بطعم
ولا روحانيه التي افسدتها تلك الحادثه[ندعوك للتسجيل في المنتدى أو التعريف بنفسك لمعاينة هذه الصورة]
الا اني لم افقد الامل في الله
في صباح يوم رمضاني جميل رغم الآلم استيقظت على صوت رنات جوالي
من المتصل
هي..ايه هي البنت نفسها (مو قلت لكم اني دقيت عليها من ارقام اخرى منها رقمي حين كنت اصر على محادثتها!)
يالله وش تبي مع الصبح!
حللتها وكان تحليل صحيح كانت تريد أن تستفزني بعد أن انقطع زوجي عن مكالمتها
لم تجد امامها الا ان تستفزني.[ندعوك للتسجيل في المنتدى أو التعريف بنفسك لمعاينة هذه الصورة]
بهدوء وانا يغالبني النوم ارسلت لها نفس الرساله أتذكرونها؟!
لم تقتنع او انها كانت في حالة عصبيه منعتها ان تفكر بتعقل!
فتحت الخط نعم..
سكتت لم ترد قلت لها مع السلامه وقفلت..
رجعت تدق
انا اغلقت هاتفي بعد ان ارسلتها لها مره اخرى.
كأني اشعر اني يجب ان احذرها من خطر سيحدث لها!

جاء وقت الأفطار ووجدت الخادمه قد اعدت مالذ وطاب
رائعة انتي لم اكن اعتبرها خادمه بل كنت اعتبره ام ثانيه لي لأنها تكبرني
سناً وكانت لاهلي سابقا عشت معها مراحل حياتي طفوله مراهقه زواج لا اكذب
ان قلت لكم اني في احدى لحظات ضعفي ارتميت في احضانها ابكيييي وهي تقولي
(ليش هبيبي كلو بيت في مشكل مو انتا بس..)آآه لو تدرين وش سبب مشكلتي انا
(انا اللي اتمتع بكثير من المزايا اللي فضلني بها ربي بلا حول ولاقوة مني..
شهادة وظيفه اطفال وجمال يجعل من يراني لايصدق اني ام ولي اطفال بل أن
اكون زوجه... آه لو يعلمون اني زوجه رجل خائن ويستهبل!!)

جلست على السفره بدون زوجي لانه في عمله
وغادرت السفرة وهي كما هي لم تتغير وكأن لم يمسسها بشر![ندعوك للتسجيل في المنتدى أو التعريف بنفسك لمعاينة هذه الصورة]
مرت ساعات وانا على بضع تمرات ورشفة ماء
الى ان جاء وقت صلاة العشاء والتراويح ..لبست عبائتي خرجت للجامع
اصلي مع صديقاتي وجاراتي وقفت في الصف وقلت في نفسي
ياالله مستحيل اكون لحالي اللي هنا وعندي مشكله وكرب وهم:
اكيد فيه غيري من هالحريم مثل حالي او اردى بس ليش مو مثلي
انا على طول يبان بوجهي وبشكلي وملامحي تكذبني امام من اقول له انا بخير!
بدأت الصلاة امتلاء المكان هدوء وروحانيه [ندعوك للتسجيل في المنتدى أو التعريف بنفسك لمعاينة هذه الصورة]ورائحة العود [ندعوك للتسجيل في المنتدى أو التعريف بنفسك لمعاينة هذه الصورة]تهب علينا من
زاوية الجامع ايه ابو سالم مستحييل يترك عادته الجميله بتطيب الجامع
بتلك المبخره الكهربائة وينثر عليها من تلك الاعواد الزكيه التي كلما احترقت زادت المكان عطراً وروعه
حان وقت الدعاء<< كم نحن غافلون عن ذلك السلاح..
وماهي الا لحظات الا وصدع صوت الامام (امام مسجد معروف بصوته الشجي والحزين ) وصل الى ...[ندعوك للتسجيل في المنتدى أو التعريف بنفسك لمعاينة هذه الصورة]اللهم فرج هم الهمومين وفرج كرب المكروبين [ندعوك للتسجيل في المنتدى أو التعريف بنفسك لمعاينة هذه الصورة]
كررها بشده وكأنه يعيش اسوء اللحظات ولحظات حتى امتلاء المكان الهاديء ببكاء مر بل تطور الى
صياح من قسم الرجال والنساء ووصل الحال الى درجة الاغماء!
انا واقفه ودموع تتساقط بدون اي حراك واسمع من حولي من تبكي بمراره وكأنها لم تبتسم وتتحدث مع من خلفها قبل قليل![ندعوك للتسجيل في المنتدى أو التعريف بنفسك لمعاينة هذه الصورة]
هنا عرفت ان فعلاً كل وحده منهن لديها هم وكرب وتخفيه بإبتسامه
عدت الى البيت وقد
تعلمت

درساً لم اتعلمه كتابةً بل بما شاهدت[ندعوك للتسجيل في المنتدى أو التعريف بنفسك لمعاينة هذه الصورة]
قررت ارجع كما كنت لبست استشورت شعري
عطرت منزلي
لا لا تفكرون اني سامحت زوجي وان هذه محاولة لـ ليله رومنسيه
[ندعوك للتسجيل في المنتدى أو التعريف بنفسك لمعاينة هذه الصورة]

بل فعلته من اجلي أنا فقط فكرت بعقلي لما اتغير من اجل رجل للأسواء لماذا لايكون تغيري للأفضل..

اتصلت علي امي وهنا عدت كـ طفلة صغيره
(سـ ابقى صغيره امامك أمي)[ندعوك للتسجيل في المنتدى أو التعريف بنفسك لمعاينة هذه الصورة]
كانت تشعر من فترة بأن هناك شي الم بي بعد السلام قالت لي:
يمه وش فيك ورى صوتك كذا فيكم شي؟
قلت ابد يالغاليه شوي مزكمه وراسي مصدع ويالله ياحلو طيبة قلبها ونيها الصافيه الله يخلي لكم امهاتكم[ندعوك للتسجيل في المنتدى أو التعريف بنفسك لمعاينة هذه الصورة]راحت توصف لي وصفات شعبيه لمقاومة الزكام(آه يمه ودي ابكي واقول ماتعرفين شي يخليني انسى [ندعوك للتسجيل في المنتدى أو التعريف بنفسك لمعاينة هذه الصورة])

[ندعوك للتسجيل في المنتدى أو التعريف بنفسك لمعاينة هذه الصورة]
ليلة العيد

الليله القاسيه والحلوه بنفس الوقت

افطرت كالعاده حبة تمر وكوب ماء وشوربة تقويني شوي لأن صار
اكلي شوي وجسمي منهك وتعبان
جلست اتفرج بالتلفزيون ..جاء زوجي من عمله قمت من الصاله بدخل غرفة اطفالي كالعاده
لحق بي كنت اتوقع انه بيحاول يصالحني كالعاده
لكن لقيته يترجاني اطلع معه مشوار
رفضت بس وافقت بعد اصراره وكنت بنفس الوقت ابي اطلع اشم هواء
وانا واقفه البس عبايتي والا وجوالي يدق بشكل متواصل بالصاله
رحت اشوف شالسالفه الا وزوجي واقف يطالع بالرقم اخذته منه الا وكانت هي فتحت الخط وسبيكر وماردت ونفس الشي
طول ماكنا بالطريق وهي مصره اني ارد او مصره تنرفزني
في هالاثناء كان معد لي مفأجاه دخلنا مكتب سفريات لأحد ابناء عمه وحجز لنا سفره مميزه ثاني العيد لأن اول العيد زحمه
دخلنا السوق وشرا طقم ذهب ودبلتين:(استغربت منه هو حطها بجيبه بدون مايتكلم)
انا هنا طقتتني ام الركب [ندعوك للتسجيل في المنتدى أو التعريف بنفسك لمعاينة هذه الصورة] قلت لايكون ناوي يتزوجها وهالسفره رضوه لي [ندعوك للتسجيل في المنتدى أو التعريف بنفسك لمعاينة هذه الصورة]

وكبريائي يمنعني اني اسأله [ندعوك للتسجيل في المنتدى أو التعريف بنفسك لمعاينة هذه الصورة]
دخلنا المطعم تعشينا تكلمنا بهدوء(يمكن ان فكرته ان هذا هو المكان الوحيد اللي ماتعلى فيه الأصوات [ندعوك للتسجيل في المنتدى أو التعريف بنفسك لمعاينة هذه الصورة])!
وطول هالفترة من خروجي من البيت الى جلوسنا بالمطعم الجوال يدق بين فترة
وفترة فتحت الخط والا هي وانواع الشتم والسب لي وامور تقول انها حصلت بينها
وبين زوجي وانه خطبها وبيتزوجون لو بالسر[ندعوك للتسجيل في المنتدى أو التعريف بنفسك لمعاينة هذه الصورة] صراحة نرفزتني اكثثثثر
رجعنا البيت جهزنا للسفر اللي كان يقنعني بصدق زوجي انها فقط علاقة
جوال حلفه على المصحف وقال لي: تراك طالق طالق طالق ان كنت اكذب عليك
سافرنا غيرنا جو رجعنا بس مو زي قبل لا احس فيه شي احس صدق بفجوه وان هالشخص انسان جديد علي ماأعرفه موب زوجي حبيبي اللي قبل![ندعوك للتسجيل في المنتدى أو التعريف بنفسك لمعاينة هذه الصورة]
ومع رجعتنا رجعت المكالمات.. ورجع الزن من قبلها وانا فقط احقرها
وارد بس بالرسالة (السابقه) < تصدقون للحين موجوده هالرسالة بجوالي للحين [ندعوك للتسجيل في المنتدى أو التعريف بنفسك لمعاينة هذه الصورة]

فجاأة انقطعت ..ولاعاد لها حس وانا نسيتها او تناسيتها
مرت الشهور والحمد لله من فضل ربي
(زوجي التحى وصار مايترك المسجد ولايسمع اغاني كله بفضل الله ثم الدعاء)

[ندعوك للتسجيل في المنتدى أو التعريف بنفسك لمعاينة هذه الصورة]
نهايـة القصه
قبل شهر من الآن
تقريباً اخر شهر 3 عربي
جاني رقم غريب من وحده صوتها كبيره بالسن
الوبعد السلام ..الخ يابنيتي والله لانعرفك
ولاتعرفينا بس بذكرك بشغله
[ندعوك للتسجيل في المنتدى أو التعريف بنفسك لمعاينة هذه الصورة] تبلمت مدري وش السالفه واصلآ نسيت موضوع البنت
مع مشاغل الحياة والوظيفه ..
قالت ترى انا ام البنت اللي كانت تزعجك وهي جالسه جنبي
وتطلب من السموحه وانك تعفين عنها لوجه الله
قلت ليه وش صاير (هنا حسيت بنشوة النصر وان كرامتي رجعت لي مع اني ولله الحمد مافقدتها بس هو :احساس بالذل لايعرفه الا من جربه [ندعوك للتسجيل في المنتدى أو التعريف بنفسك لمعاينة هذه الصورة]وعساكم ماتجربونه)
المهم
قالت بقولك الصدق ووالله مادريت
عن اللي صار الا قبل اسبوع ونالت مانالت من السب
والشتم مني ومن اختها وكنا مترددين ندق والا ماندق عليك
ونطلب منك العفو هي يابنتي وهذا كلامها
جاها وسواس موت واكتئاب واصابتها صدفيه
وكنا نحسب انها عين ونراجع بها عند الشيوخ ولابه تحسن
وكل ماتقدم له خاطب يكنسل الخطبه
(يعني البنت ندمت على اللي سوته فني
وان دعوة مظلوم رُفعت ولم ترد خائبه
ضدها وصحى ضميرها الحمد لله)
انا هنا حمدت ربي مو على ان هالشي صابها لا لا [ندعوك للتسجيل في المنتدى أو التعريف بنفسك لمعاينة هذه الصورة]
حمدت ربي انها جت على كذا وبس
وقلت لامها ابد ياخاله تراها مسموحه والله يعفو عنا وعنكم
اللحين كل ماقرأت رسالتي
لها احس بتأنيب ضمير مدري ليش هالتجربه
المره خلتني انسانه حساسه
بزياده فقدت قوة الشخصية
اللي كنت املكها من خلال هالتجربه
صرت افكر فيها ليل نهار
احيان افكر ادق عليها اتطمن بس اخاف ان هالشي مو من صالحي وانه لازم ابعد عن الشر واغني له على قولتهم
واحيان لا يجيني تأنيب ضمير لحد البكاء والأرق
يالله من هالآدميه مارتحت منها لا قبل الصلح ولا بعده!!
[ندعوك للتسجيل في المنتدى أو التعريف بنفسك لمعاينة هذه الصورة]والحــــــــــــــــــــــل ياعقلاء المنتدى

ارجوكم انصحوني وارشدوني.؟

انا بحاجة مشورتكم وكل رأي من اي عضوه اعتبره مهم واشكرها عليه اسأل الله ان لايحرمكم اجر المشورة..

ماستفدته من هذه التجربه:
*ان الحياة الزوجية لاتكون على نمط واحد بل تتغيير للأسواء وللأحسن
لكن الأحسن هو الراجح (وبعد كل عسر يسر)
*ان كثير من المشاكل حلولها بإيدينا لكننا نغفل عنها
*ان كل النساء لهن طآقه عجيبه في تحمل الآلم والمشاكل والصبر
*العفو عند المقدره نوع من انواع العلو والمقدره وليس ضعف وهزيمة
*ان الحياة ستعود كما كانت متى اردنا
*ان الحياة لاتتوقف عند رجل
*ان لكل رجل نزوه الا من رحم الله

[ندعوك للتسجيل في المنتدى أو التعريف بنفسك لمعاينة هذه الصورة]في الختام
لا اله الا انت سبحانك انى كنت من الظالمين
اللهم لك الحمد كما ينبغي لجلال وجهك وعظيم سلطانك
اشهد ان لا اله الا الله و اشهد ان محمد رسول الله
اللهم صلّ على سيدنا محمد وعلى آله وصحبه وسلّم

[ندعوك للتسجيل في المنتدى أو التعريف بنفسك لمعاينة هذه الصورة]ملاحظه :::[ندعوك للتسجيل في المنتدى أو التعريف بنفسك لمعاينة هذه الصورة]
لاأحلل من يستهزيء مما حدث لي او من يتهكم.
(ف مٍآ ماتراه انت هين عند غيرك مهم/ وماتراه مهم قد يكون هين بنظر غيرك لكن ذلك لايدعو احد أن يكون مُكذباً لكل مايخالف نظرته)
[ندعوك للتسجيل في المنتدى أو التعريف بنفسك لمعاينة هذه الصورة]احلل من ينقلها او يتداولها [ندعوك للتسجيل في المنتدى أو التعريف بنفسك لمعاينة هذه الصورة]
(لأني مؤمنه ان تجاربنا في الحياة تعتبر خبرات
يستفيد منه من يمر بتجربه!)[ندعوك للتسجيل في المنتدى أو التعريف بنفسك لمعاينة هذه الصورة]

حلووة ومؤثثرة

شكـراً لمرورك العطـر

السلام عليكم

شكراااااااااااااااااااا لك على الموضوع الجميل

لك مني كل الود والإحترام

تحياتي
[ندعوك للتسجيل في المنتدى أو التعريف بنفسك لمعاينة هذه الصورة]

كثير حلوة صراحه وفيها عبرة لمن يعتبر :)

يسلموا صراحى تأثرت:( مع اني مو متزوجه

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

منـورات ..

قصة جميلة ومؤثرة ..

الله يسلم ايديكي..

ججججد انتِ مرأة قوويه

قصة مؤؤثثثثثثثثرة

اسعدنـي تواجدكـم ،،

» فضل لا إله إلا الله
» قصة (خير ان شاء الله)‎
» الصدق مع الله
» الافتقار إلى الله
» حكم ان شاء الله تفيدكن...